Einstök
verslun
Einstök
verslun
Einstök
verslun
Einstök
verslun
Slider

Tilkynning frá Fjarðarkaupum

30.07.2020

2 metrar

Tilkynning frá Fjarðarkaupum

Hertar aðgerðir – aukin tillitssemi – meira umburðarlyndi – meira spritt!

Starfsfólk Fjarðarkaupa hefur undanfarna mánuði hagað starfsemi sinni með hliðsjón af heimsfaraldri kórónuveirunnar. Við höfum kappkostað að halda áfram virkum smitvörnum og tókum nýlega í gagnið sérstaka sótthreinsistöð fyrir innkaupakerrurnar en þær höfum við sótthreinsað frá því faraldurinn kom upp og munum halda því áfram meðan þörf krefur – og jafnvel aðeins lengur. Jafnframt herðum við enn frekar tökin á smitvörnum í versluninni.

Í ljósi hertra reglna stjórnvalda, sem taka gildi 31. júlí, biðjum við viðskiptavini okkar um að tileinka sér tilmæli sóttvarnalæknis og heilbrigðisráðherra og hvetjum ykkur öll til að nýta sprittið í anddyrinu hjá okkur og sýna hvert öðru tillitssemi og umburðarlyndi, bæði í Fjarðarkaupum og ekki síður annars staðar í samfélaginu.

Íslenska þjóðin hefur áður sýnt að hún getur með samstilltu átaki náð tökum á heimsfaraldrinum og nú þurfum við aftur að sýna hvað í okkur býr. Við höfum þekkinguna, reynsluna og viljann og saman munum við sigrast á þessum vágesti. Starfsfólk Fjarðarkaupa mun allavega gera sitt besta til þess!

Verið velkomin í Fjarðarkaup!